வைரமுத்து >> கோடைக் குளிர்நகர்

Details

கோடைக் குளிர்நகர் முகிற்குடையின் கீழுறங்கும் சோலை - புல்லில் முத்தமிடும் பனிமுத்து மாலை - பனித் துகில்விலக்கிப் பூவழகைச் சுவையாகச் சொல்லத்தான் சுகமாக விடியுமதி காலை - அதைச் சொல்லாமல் எனக்கென்ன வேலை? பொற்சுவட்டுப் பூப்பூமி மீது - மெல்லப் பூத்த பனி திரைபோடும் போது - நெஞ்சம் சொற்கனவுப் பந்தலுக்குள் சொக்கிநட மாடிதினம் சொல்லிவிடும் கற்பனைக்குத் தூது - அதைச் சொல்லிவைக்க வார்த்தை கிடையாது. மீனேறி நிலம்பார்க்கும் ஏரி - சுற்றி மின்வெளியாய் நின்றமலர்ச் சேரி - அங்கே தேனேறி, தென்றலெனும் தேரேறிப் பனித்தளிர